Unha conversa íntima sobre Gloria Fuertes, unha escritora que foi única e cuxa vida e obra merecen ser contadas e reivindicadas.
De Gloria Fuertes permaneceron na nosa memoria as súas aparicións en programas infantís e o seu valor como poeta, pero aínda permanece velada esa outra Gloria Fuertes, a que non saía nos medios, a que arrastrou os seus últimos anos en soidade escudándose nos seus pitillos, o seu whisky e a súa casa atestada de obxectos que reflicten o paso –e o peso– dos anos. Unha Gloria Fuertes cansa de que se lle foran morrendo os amigos, as amantes.... Porque ela amou intensamente, aínda que iso non se contase.
Gloria. A poeta dos amores prohibidos é unha obra colectiva coordinada por Lola Lapaz que recompila unha serie de testemuños que poden explicar como era e que pegada deixou na vida de moita xente. A historia real de Gloria Fuertes merece ser coñecida e reivindicada, para que outras persoas poidan verse reflectidas tamén na súa figura.
Xunto a Lola Lapaz, participan nesta obra a exalcaldesa de Madrid Manuela Carmena; a escritora e poeta Luna Miguel; a escritora, poeta e tradutora Gloria Fortún; a investigadora afincada nos Estados Unidos Ana Isabel Simón Alegre; o escritor e activista cultural Carlos Barea; a poeta Belén Reyes, que foi amiga persoal de Fuertes; e o escritor e xornalista Darío Gael Blanco Gómez de Barreda.
