Na véspera da noite de San Xoán, a tormenta azouta a fachada do Instituto Atlante do Sol,
en Playa Blanca, ao sur de Lanzarote. No seu interior ten lugar a festa de despedida previa ao
Festival de Talentos de fin de curso, que se celebrará ao día seguinte.
Algo saíu mal: a moza Ico, estrela do festival, aparece morta no interior do ascensor,
asfixiada polo fume, nun macabro eco da lenda á que honra o seu nome.
Profesores e estudantes presentes quedan marcados á vez como testemuñas e sospeitosos do que parece
un crime terrible. Con todo, o caso péchase semanas despois por falta de probas concluintes.
Accidente, ditaminan as autoridades.
Agora Naima, aspirante a xornalista e compañeira de Ico, convencida de que as pezas non encaixan,
decide retomar a investigación e volver entrevistar a todos os asistentes á festa ata dar
coa resposta á pregunta que segue a flotar no aire:
¿Quen asasinou a Ico?
