Ricardo Cavolo recrea a modo de diario persoal unha historia do cine a través das súas 100 películas imprescindibles. Reúne máis de 100 ilustracións e textos escritos a man, con notas e anécdotas persoais. Trátase dunha viaxe sentimental a través da gran pantalla, deténdose naquelas historias que -en palabras do autor- "levo no corazón, son importantes polo que significan para min, xa que parte da miña personalidade se forxou nelas".