Gina leva dous anos escribindo relatos fanfiction en liña, con alto contido erótico entre mulleres. É a primeira vez que recibe un comentario negativo nunha das súas publicacións, polo que envía unha mensaxe en resposta que dá paso a unha conversa non moi amigable que, a pesar de todo, espertou a súa curiosidade en torno á tal «A_Sìthiche». O interese en descubrir novos detalles sobre a súa crítica lectora acaba converténdose na distracción perfecta para o mal momento que vive a nivel persoal. A medida que pasan os días, a relación entre ambas medra en intensidade e Gina comeza a loitar a diario cunha pregunta importante: «¿É posible sentirte así por alguén a quen nunca viste?». Cris Ginsey crea historias catalogadas dentro do xénero de comedia erótico-romántica. Tras a autopublicación de dúas das súas obras, edita con LES Editorial Cosas del Destino: El diario de Claire Lewis e Cosas del Destino: El efecto mariposa, escritas xunto con Anna Pólux. 12 700 km é a nova historia que a autora publica en solitario.
