Unha reflexión sobre a importancia de ser VIHsibles os 365 días do ano.
Para as persoas que vivimos con VIH, o 1 de decembro son os 365 días do ano.
Quen decidimos ser visibles non somos mellores nin peores que quen decidiu non selo. Pero a nosa visibilidade achega algo inmenso. Alguén ten que facelo agora, como outros o fixeron antes. Pensemos se fose o contrario, se todos nos calásemos. En que situación estaríamos? Quen tería denunciado, ocupado as rúas, lembrado aos primeiros mortos, coidado o seu legado, esixido políticas sanitarias? Alguén ten que facelo, polos outros que o fixeron. Tamén polos que nunca o farán.
Con textos dos doutores Pedro Cahn e Santiago Moreno Guillén, de Carmen Martín, de Gastón Devisich e do xornalista Emilio de Benito. Alguén terá que selo.
Biografía do autor
Gustavo Pecoraro (Mar del Plata, 1965) é escritor, guionista, xornalista e poeta. Publicou cinco libros, dous ensaios e tres poemarios. Algúns dos seus poemas foron incluídos en La lira marica. Una antología de poesía homoerótica argentina (Saraza, 2022). Foi colaborador do suplemento Soy de Página 12, de La Garganta Poderosa, de Casa País, de Cosecha Roja, e numerosos medios de comunicación. Conduce os podcasts Puto viejo, Aquí me pongo a contar e Zona de respuestas. É coguionista do documental El puto inolvidable. Vida de Carlos Jáuregui, e guionista de Luces azules e de Marta, vení. Actualmente é correspondente desde Madrid para Infobae; asesor en comunicación da Fundación Huésped; e asesor no Congreso da Nación na Comisión de Mulleres e Diversidade. De querer así é a súa primeira novela.
