Cal é o significado do arquetipo da lesbiana e bisexual asasino no cine de Hollywood? Este libro desvela onde reside o seu potencial subversivo.
Hai trinta anos estreouse Instinto básico de Paul Verhoeven, película que xerou unha forte polémica entre a comunidade LGTBIQ+ pola vinculación entre psicopatía e sexualidades non normativas. Catherine Tramell, o personaxe que lanzou ao estrellato a Sharon Stone, é unha das protagonistas de Ausencia y exceso. Lesbianas y bisexuales asesinas en el cine de Hollywood; un ensaio no que Francina Ribes Pericàs aborda a paradoxa entre a invisibilidade da homosexualidade feminina no cine mainstream e a espectacular presenza de escenas lésbicas no cine comercial contemporáneo.
As protagonistas de títulos tan populares como Mujer blanca soltera busca…, Lazos ardientes, Juegos salvajes, Criaturas celestiales ou Monster son, por xeral, mulleres fortes que exhiben unha sexualidade ambigua ao tempo que exercen a violencia e o asasinato. Impónse así o arquetipo da lesbiana ou bisexual asasino, que cristaliza durante o auxe do neo-noir no Hollywood dos oitenta e noventa e que é encarnado por feminidades excesivas, herdeiras da femme fatale clásica e próximas á figura da vampira lesbiana.
No seu libro, a autora indaga na semente deste arquetipo desde as orixes do cine e analiza tamén como transcendeu o xénero no que se definiu para adquirir novas connotacións, preguntándose cal é o significado deste personaxe recorrente que nace marcado pola misoxinia e a homofobia, pero que agocha un inequívoco potencial subversivo.
