Sintoniza esta radio sentimental e fagamos unha volta pola historia de España.
¿Sabías que Chaplin roubou a música dun cuplé para unha das súas películas máis famosas? ¿Ou que Nietzsche dixo que «o máis forte» que escoitara na súa vida foi unha zarzuela de Federico Chueca? ¿Algunha vez pensaches na copla como unha estratexia de resistencia feminina?
A banda sonora das nosas avoas lévanos da man por un pasado non tan afastado, onde o discurso oficial e a subversión convivían nunha cultura popular que axudaba a sobrelevar a vida. ¡Ay, campaneras!, de Lidia García, é un paseo polas historias detrás destas cancións cheas de transgresións femininas, diferenzas de clase social e unha ansia de liberdade que, a pesar de todo, se colaba por cada fenda que atopaba. Este libro formidable achéganos aos recunchos dun mundo de cupletistas e bandoleiros, de costureiras e manolas, e de mulleres tan tremendas como Raquel Meller, Concha Piquer, Lola Flores, Sara Montiel ou Rocío Jurado.
Lidia García García (Montealegre del Castillo, 1989) é doutora en Historia da Arte pola Universidade de Murcia, cunha tese sobre copla e prácticas camp. É autora do pódcast ¡Ay, campaneras! e do libro homónimo (Somos B, 2022). Colabora habitualmente nos programas Cine de barrio, de Televisión Española, Mañana más, de Radio Nacional de España, e La ventana, de Cadena SER.
