Un percorrido polo cine homoerótico involuntario que foi clave no noso espertar sexual.
«Non descubrín a miña sexualidade cun compañeiro do colexio, tampouco cun amor de verán. Descubrín a miña sexualidade con Kurt Russell en Golpe en la pequeña China».
Así comeza Cine Crush. El cine homoerótico involuntario en nuestro despertar sexual, o ensaio co que o xornalista Popy Blasco revisa algúns dos mitos eróticos que nos fixeron descubrir a nosa orientación a través dun montón de películas comerciais que, na lembranza, se presentan como involuntariamente homoeróticas.
O libro percorre centos de títulos protagonizados por ídolos rebordantes de erotismo filogay, invisible ao ollo heteronormativo; actores e personaxes xa lendarios que, mentres nuns espertaban admiración, no colectivo LGTBIQ+ espertaban desexo.
Ademais de establecer as diferenzas entre o cine LGTBIQ+ e o cine homoerótico ou filogay, Popy Blasco propóñenos un exhaustivo repaso de moitas das estrelas do cine e a televisión que marcaron á xeración boomer, a xeración X, os millennials e a Xeración Z.
Biografía do autor
Popy Blasco (Madrid, 1978), autor de Yo fui teen en los 90, colaborou con diversos medios como El País, Vogue, Rolling Stone, Neo2, Vanidad, V Magazine, Primera Línea, Candy, L’Officiel, Playground ou GQ. Ademais, é profesor de coolhunting no IED e no IADE, así como consultor de tendencias sociais e de consumo.
En 2004 comezou a escribir o seu blog PopyB, un dos máis lonxevos en castelán. Como xestor cultural, dirixiu a programación do cineclube Cineshock e estivo á fronte de pódcast como Radioshock e, actualmente, Pijas Marrones para Subterfuge Radio.
