Audaz, divertido e real, este ensaio fala da importancia da memoria trans e da interseccionalidade na loita.
Crucé la frontera en tacones é o testemuño persoal de Alexandra R. DeRuiz no que relata a súa fuxida de México a través da fronteira cos Estados Unidos, onde tivo que crear unha vida desde cero.
Alí tivo que asimilar múltiples identidades, aprendendo que o racismo, a transfobia, a explotación, os estereotipos e a violencia son actos cotiás e unha realidade para as persoas trans indocumentadas que viven entre ambos países.
«Poucas veces podemos ler unha obra tan excepcional como esta: desde a altura orgullosa dos seus tacóns, Alexandra pasea, baila, corre por Cidade de México, Tijuana, Los Ángeles, San Francisco, espazos atravesados pola sororidade trans. Lectura necesaria e obrigada». J. A. Ramos Arteaga, Departamento de Filoloxía Española da Universidade de La Laguna.
¡Imprescindible! O libro que ten nas súas mans ademais de audaz, divertido e real, fala da importancia da memoria trans, da interseccionalidade, da importancia das redes afectivas para sobrevivir, día a día, nun mundo necropatriarcal que odia as desobediencias de xénero». Sayak Valencia, Departamento de Estudos Culturais, Colegio de La Frontera Tijuana México.
«Unha odisea persoal que é tamén reflexo dunha época en México e no mundo, protagonizada por unha nena trans que se intuía excepcional e cuxo singular destino era á súa vez fronteirizo, bilingüe, multicultural: co pasar do tempo e como froito da súa propia perseveranza, a valente adolescente de Romita converterase en arquetip@ insubstituíble da experiencia transLatina do século XX». Michael K. Schuessler, Departamento de Humanidades, Universidade Autónoma Metropolitana Cuajimalpa, Cidade de México
