Gustavo Pecoraro tráenos desde Arxentina unha novela cunha prosa coidada e fresca, volcándose nestas páxinas a súa vida e a de tantos homes nacidos a finais do século XX.
Na súa primeira novela publicada en España, Gustavo Pecoraro ofrécenos unha historia a medio camiño entre o autobiográfico e o colectivo, tecendo un relato terno e emotivo a través de dúas voces: as experiencias sexuais do autor en baños e lugares de cruising, e a relación coa Nelly, a súa nai.
«Son demasiadas cousas as que un comparte co protagonista-narrador. Para os que fomos mozos nos oitenta, o cheiro do amor será sempre o da lixivia e o ouriño; o da perda dos amigos coa pandemia do VIH, ese tamén, porque, aínda que se pensaba que só afectaba á xente mala e por tanto non era tan urxente, cada vez os casos eran máis próximos, o círculo íase estreitando e de súpeto tocáballe a un amigo íntimo, a un amante ou a ti». Do prólogo de José Luis Serrano.
Biografía do autor
Gustavo Pecoraro (Mar del Plata, 1965) é escritor, guionista, xornalista e poeta. Publicou cinco libros, dous ensaios e tres poemarios. Algúns dos seus poemas foron incluídos en La lira marica. Una antología de poesía homoerótica argentina (Saraza, 2022). Foi colaborador do suplemento Soy de Página 12, de La Garganta Poderosa, de Casa País, de Cosecha Roja, e numerosos medios de comunicación. Conduce os podcasts Puto viejo, Aquí me pongo a contar e Zona de respuestas. É coguionista do documental El puto inolvidable. Vida de Carlos Jáuregui, e guionista de Luces azules e de Marta, vení. Actualmente é correspondente desde Madrid para Infobae; asesor en comunicación da Fundación Huésped; e asesor no Congreso da Nación na Comisión de Mulleres e Diversidade. De querer así é a súa primeira novela.
