Titiana De Nero sempre soubo cal era o seu destino: converterse en gardiá persoal da emperatriz Vita Rosa
e protexela coa súa vida. Con todo, cando Vita abdiqua, quen ocupa o trono do Imperio é a súa xemelga Helda,
apoiada polas Segundas Fillas, unha forza relixiosa que nunca debería ter tomado o poder.
Mentres o Imperio se fragmenta, Titiana debe decidir entre a lealdade cara á emperatriz lexítima, as promesas
feitas aos rebeldes ou a honra do seu novo cargo. Pero Helda Rosa non é o que imaxinaba: tan idéntica e á vez
tan distinta de Vita… e coa Deusa da Morte e a Destrución agardando no seu interior.
Nun mundo onde os deuses xogan co destino dos mortais, Andrea Prieto constrúe unha historia de fantasía épica
con raíces mediterráneas, personaxes intensos e dilemas entre o amor, a lealdade e a liberdade.
Dúas fillas para a Morte mestura a tradición da viaxe do heroe cun universo vibrante e actual,
plantexando ata que punto os lazos que nos unen poden ser condena ou salvación.
