A segunda novela da autora do éxito de vendas Stone Butch Blues, outro clásico da literatura LGTB
Leslie Feinberg afúndenos nunha Nova York golpeada polo 11-S e marcada pola violencia policial, a precariedade e a represión.
Neste escenario, Max Rabinowitz, un home trans e porteiro dun club drag, navega entre o illamento e a loita pola supervivencia.
Max sobrevive como pode. Despois de anos militando no movemento LGTBQ+, séntese só e perdido.
A violencia constante que sofre pola súa expresión de xénero, orientación sexual e clase social levouno ao illamento.
O seu único contacto co exterior é o seu traballo sen contrato no club drag, mentres deambula por unha cidade onde as redadas policiais,
desaparicións e agresións son cada vez máis frecuentes.
Nun mundo onde as drag queens dominaron o escenario, esta novela dá voz aos drag kings e á comunidade queer que resiste nos márxes.
No club onde traballa Max, o drag non é só espectáculo: é trinchera, refuxio e un acto de desafío ante un sistema que os quere invisibles.
Drag King Dreams afúndenos nunha historia emocionante, comprometida e valente.
O escenario xa non son as fábricas do cinto de óxido estadounidense, senón os clubs nocturnos do East Village
e o incipiente espazo virtual de internet. A clase traballadora xa non está organizada en grandes sindicatos,
pero as loitas seguen a ser as mesmas. Max, como moitísimos antes que el, enfronta a precariedade laboral,
o racismo e a violencia de quen non están dispostos a aceptar que sexa quen é.
