Future Nostalgia captura a Dua Lipa no seu pleno salto cara ao pop de alta enerxía: un disco que mira á pista de baile dos anos 80 e 90 con sintetizadores brillantes, baixo funk e guiños ao disco clásico, pero cunha produción totalmente contemporánea.
Publicado orixinalmente en 2020 como o seu segundo álbum de estudo, o disco consolidou a Dua Lipa como unha das figuras centrais do pop global grazas a cancións como Don’t Start Now, Physical, Levitating ou Break My Heart, himnos que cruzan do radiofórmula ao club e que converteron o álbum nunha referencia recente do xénero. Future Nostalgia encabezou listaxes internacionais e foi recoñecido en premios como os Brit Awards e os Grammy, reforzando a idea dun pop bailábel, confesional e moi consciente da súa propia estética retrofuturista.
Esta edición limitada en vinilo picture disc zoótropo reinterpretan ese universo visual directamente no soporte físico: o deseño do disco convértese nunha secuencia animada cando xira sobre o prato, creando un efecto hipnótico que acompaña a escoita. A reedición, lanzada en colaboración con Blood Records, está limitada a 10 000 copias a nivel mundial, o que a converte nunha versión especialmente singular de Future Nostalgia para quen queren o álbum nun formato tan chamativo como o seu son.
Sobre Dua Lipa:
Dua Lipa é unha cantante e compositora nacida en Londres en 1995. O seu primeiro álbum, publicado en 2017, posicionouna como unha das novas voces do pop internacional. En 2020 lanzou Future Nostalgia, o seu segundo traballo de estudo, co que consolidou a súa carreira a nivel mundial grazas a sinxelos como “Don’t Start Now” ou “Physical”. Ao longo da súa traxectoria gañou premios como o Grammy e o Brit Award, e colaborou con artistas de distintos xéneros. A súa música combina influencias do pop, a electrónica e o disco.
