Unha das mellores novelas do autor afroamericano James Baldwin. Unha dolorosa historia de amor e inxustiza racial no Nova York dos setenta que inspirou a nova película de Barry Jenkins, director da oscarizada Moonlight.

Neste gran clásico da literatura norteamericana do século XX, James Baldwin dá voz a Tish, unha moza de dezanove anos embarazada dun mozo escultor chamado Fonny. Namorados desde o instituto, decidiron casar e formar unha familia, pero os seus plans trúncanse cando el é inxustamente acusado de violación e encarcerado.

Ao longo do relato de Tish percorremos a historia de amor desta parella afroamericana ao tempo que asistimos ao intento desesperado da familia por liberar a Fonny da cadea e demostrar a súa inocencia, nunha loita contra a hostilidade e a inxustiza dun sistema racista e corrupto.

Publicada por primeira vez en 1974, a violencia e a sensualidade da novela de Baldwin seguen golpeando e conmocionando conciencias coa cadencia triste e pasional do blues máis sentido, avivado nestas páxinas polo amor máis puro e o afán de supervivencia de uns seres marginados polo cor da súa pel e pola súa pobreza.

A crítica dixo...
«Hoxe, como onte, a narrativa estadounidense non se pode entender sen ler a Baldwin.»
El País

«O blues de Beale Street é unha historia conmovedora e dolorosa. É tan vividamente humana e está tan evidentemente baseada na propia realidade que nos parece atemporal; unha arte que non ten a mínima necesidade de trucos estéticos.»
Joyce Carol Oates, The New York Times Book Review

«Baldwin é un escritor extraordinariamente bo, valente e cheo de emoción: desde a rabia ata a ternura exquisita. É realmente un dos bos, un dos grandes escritores que Estados Unidos produciu.»
Paul Auster

«Se Van Gogh foi o noso artista-santo do século XIX, no século XX temos a James Baldwin.»
Michael Ondaatje

«Un dos mellores libros escritos por Baldwin, quizais o mellor de todos.»
The Philadelphia Inquirer

«Unha gran obra dentro da ficción afroamericana en Estados Unidos [...]. A súa mellor novela.»
The New Republic

«Unha potente historia de amor. Luminosa, tráxica, desbocada, como deben ser este tipo de historias.»
Miguel Artaza, Pérgola

«Unha historia de sabor clásico, dunha intensidade, sensualidade e humanidade incomparables.»
Raül Jiménez, Indienauta