Premio Arkoiris 2024 á mellor creación literaria
Un roubo que parecía perfecto convértese nunha caída en espiral. Entre tabernas, silencios e danos colaterais, un ladrón de luva branca tenta recompoñer os pasos dunha operación que se desmorona peza a peza. Nada encaixa do todo, ninguén xoga limpo, e cada movemento achega un pouco máis ao xaque mate.
Sinopse
O tempo vai moi rápido cando estás inconsciente.
Aínda non comprendo como puido complicarse tanto. Saír e entrar da cadea, saír e entrar do hospital e, entre medias, as pernas de Noelia Soto. Debín intuir o desastre en canto asomou por aquela taberna. Non debía ser complicado roubar o cadro. Nin sequera tiña que ser difícil volver a atopalo. Pero esta novela é o testemuño de cando todo sae mal, non importa canto tempo dediques a planificalo.
Ás veces a partida torcese e non queda outro movemento que tratar de evitar o xaque mate. Pero, que se pode facer, cando toda a partida está amañada e nada chega a ser o que parece?
El sueño de la libélula é un xogo retorcido do engano, a última viaxe dun ladrón de luva branca que, no xadrez como na vida, xamais aprendeu como se gaña.
