O libro máis persoal de Pedro Almodóvar: un autorretrato articulado en doce relatos que revelan a súa paixón secreta pola escrita.
«Este libro é o máis parecido a unha autobiografía fragmentada. [...] O lector acabará obtendo a máxima información de min como cineasta, como fabulador e o xeito en que a miña vida fai que unha cousa e as outras se mesturen».
Así define o autor este volume, nunha brillante introdución que serve tamén de posta en perspectiva: os doce relatos que o compoñen abranguen varias épocas, desde finais da década dos sesenta ata a actualidade, e nelos reflíctense algunhas das súas obsesións máis íntimas, ademais da súa evolución como artista. Os escuros anos escolares, a influencia da ficción na vida, os efectos inesperados do azar, a sofisticación do humor, os inconvenientes da fama, a fascinación polos libros ou a experimentación cos xéneros narrativos son algúns dos temas que poboan este libro imprescindible, que contén múltiples capas de lectura.
