Un relato autobiográfico intenso e inesquecible, cos referentes e as claves da escrita de Camila Sosa, o novo furacán literario latinoamericano.
Con rabia e poesía, este é o relato descarnado da propia vida de Camila Sosa Villada, das súas orixes, da súa dolorosa infancia ―un corpo clandestino de muller azoutado pola furia alcohólica do seu pai―, da vivencia como travesti que coñece a prostitución, pero tamén o éxito no teatro, e deste o exercicio da escrita, que non pode ser senón radical, intensa, na procura dunha imposible reparación:
«Escribo para que unha historia se saiba. A historia do meu travestismo, da miña familia, da miña tristura na infancia, de toda esa tristura prematura que foi a miña familia, o alcoholismo do meu pai, as carencias da miña nai. As mudanzas que me apartaban para sempre dos amigos, do clima das miñas habitacións, da costume dos patios, da seguridade dun agocho. Escribo para poder dicir as imaxes que poblaron a miña infancia. Tamén para dicir a loita da miña familia contra a pobreza, unha pelea que nos devastou e nos enfermou de rancores e desamor e indiferencia, todos contra todos.»
Sobre a autora
Camila Sosa Villada (Córdoba, Arxentina, 1982) estudou Comunicación Social e Teatro na Universidade Nacional de Córdoba. En 2009 estreou o seu primeiro espectáculo, Carnes tolendas, retrato escénico de un travesti. É autora dos poemas La novia de Sandro (2015), dos relatos Soy una tonta por quererte (2022), e das novelas Las malas (2020) e Tesis sobre una domesticación (2024).
