Fiel á súa formación autodidacta, David Wojnarowicz desafiou as fronteiras entre linguaxes, medios e accións, e escapou das definicións unívocas: foi pintor, músico, fotógrafo, escritor, realizador de películas en Super 8 e protagonista decisivo do efervescente entorno social e cultural do East Village de Nova York nos anos oitenta. Da súa obra visceral sobresae o seu espírito colaborativo –en comunión fluída con outros–, pero tamén contestatario. Membro do colectivo act-up, Wojnarowicz foi un activista moi involucrado coas políticas identitarias dos homosexuais antes e durante a epidemia do sida, enfermidade que o privou de amizades e amores e que o levou mesmo a el en 1992, aos 37 anos.
Neste libro aparece a trastienda dos escenarios que son os protagonistas das súas obras máis famosas, e está presente o constante rexistro do seu corpo, que se agudiza cando recibe o seu diagnóstico de vih positivo. É consciente de se contaxiado dun virus que encarna ademais o peor dunha sociedade enferma; unha que margina e exclúe cada vez máis as disidencias e as abandona á súa sorte. Na sombra do soño americano exhibe o rexistro privado dun Wojnarowicz sensible e comprometido, abrumado polas esixencias de supervivencia, perseguindo o pracer e a liberdade mesmo cando non hai máis luz ao final do túnel.
