GAÑADOR DO NATIONAL BOOK AWARD
O libro icónico de Patti Smith, no que conta a súa relación con Robert Mapplethorpe: unha homenaxe á amizade cuxas páxinas cheas de vitalidade e humor nos devolven o sabor dun Nova York onde case todo era posible.
Foi o verán no que morreu Coltrane. [ ] Os hippies ergueron os seus brazos baleiros e China fixo estourar a bomba de hidróxeno. Jimi Hendrix prendeu lume á súa guitarra en Monterrey. [...] Foi o verán do amor. E nese clima cambiante e inhóspito, un encontro casual cambiou o curso da miña vida. Foi o verán no que coñecín a Robert Mapplethorpe.
Sinopse
Pasou no mes de xullo de 1967 e eran uns nenos, pero a partir de entón Patti Smith e Robert Mapplethorpe selaron unha amizade que só remataría coa morte do gran fotógrafo, en 1989. Diso fala este espléndido libro de memorias, gañador do National Book Award, da vida en común de dous artistas, os dous entusiastas e apaixonados, que cruzaron a grandes pasos a periferia de Nova York para chegar ao centro neurálxico da nova arte. Foi así como acabaron instalándose no hotel Chelsea e se converteron nos protagonistas dun mundo hoxe xa desaparecido onde reinaban Allen Ginsberg, Andy Warhol e os seus rapaces, e se creaban as grandes bandas de música que marcaron os últimos anos do século XX, mentres o sida facía estragos.
Lonxe de ser un libro triste e nostálxico, Éramos uns nenos constitúe unha homenaxe á amizade sen ataduras, e as súas páxinas, cheas de vitalidade e humor, devolvennos o sabor desa gran cidade onde houbo un tempo en que case todo era posible.
