A morte nunha rede de apego ansioso que nunca aprendeu a deixar ir.

A morte desde a visión de alguén que só acepta a súa propia morte pero non tolera a do resto. Que se nega a aceptar o evidente e inevitable.

Este fanzine é parte dun proceso persoal de reflexión sobre a morte, que toma forma de prosa poética exhalada en pingas tristes tras distintas mortes vividas moi de cerca.

Este fanzine é un anaco do meu medo á incógnita da morte. Un choro polas persoas que se foron do meu lado. Un berro desesperado ante tanta morte que non acepto nin comprendo. Que non acepto porque non comprendo. Ou que nin acepto nin comprendo porque non quero.

Zoe García

Entre creación e divulgación, Zoe García traballa arredor das neurodivergencias e realidades trans. É músico, escritor e biólogo especializado en xénero. É autor de Autigénero. El espectro de las disidencias: autismo e identidades trans. Forma parte do equipo de Col·lectiu Argelaga, entidade que impulsa accións educativas, acompañamentos e proxectos vinculados á diversidade e inclusión.