Access All Areas é o álbum debut do grupo británico FLO. Esta edición en CD asinada é unha tirada limitada e exclusiva.

Con influencias directas de artistas como Destiny’s Child, TLC ou Sugababes, FLO recupera a forza melódica e vocal das grandes girlbands e reinterpretála cunha estética actual, son depurado e letras que combinan empoderamento, ironía e sensibilidade.

Entre os seus temas máis destacados atópanse “Walk Like This”, “Check” ou “In My Bag”, onde colabora a rapera estadounidense GloRilla. O álbum ábrese cunha introdución a cargo da actriz Cynthia Erivo, dando paso a un percorrido que equilibra producións enerxéticas e momentos máis íntimos.

Sobre FLO

FLO está formado por Stella Quaresma, Jorja Douglas e Renée Downer, tres mozas artistas británicas que comezaron a traballar xuntas en 2019. En 2022 deron a coñecer co tema “Cardboard Box”, que se fixo viral rapidamente e captou a atención tanto do público como da crítica. Ese mesmo ano lanzaron o seu primeiro EP, The Lead, e foron incluídas en listas de reprodución e artigos especializados como unha das propostas máis prometedoras do novo R&B.

En 2023, foron elixidas como gañadoras do BBC Sound of 2023, converténdose no primeiro grupo feminino en conseguilo desde Little Mix. Tamén recibiron o BRIT Award á Estrela Emerxente, consolidando a súa posición na nova escena musical británica.

O grupo destaca polas súas harmonías vocais coidadosamente traballadas, a súa estética refinada e a súa capacidade para conectar cunha xeración que valora tanto a calidade musical como a identidade artística sólida.