A historia da fotografía comezou hai uns 200 anos, pero foi relativamente pouco tempo atrás cando foi recoñecida como un xénero artístico por dereito propio. O Ludwig de Colonia foi o primeiro museo de arte contemporánea en dedicar unha sección considerable á fotografía internacional. A colección L. Fritz Gruber, a partir da cal se confeccionou este libro, é unha das máis importantes de Alemaña e unha das máis representativas do mundo.

Este volume ofrece unha fascinante ollada á diversidade da colección; desde a arte conceptual á abstracción ou o reportaxe, percorre os principais movementos e xéneros a través dunha ampla selección dos fotógrafos máis destacados do século. De Ansel Adams a Piet Zwart, arredor de 850 obras presentadas en orde alfabética por fotógrafo, con textos descriptivos e detalles biográficos dos autores, móstrannos unha panorámica global e indispensable da fotografía do século XX.