Volve Joël Dicker, fenómeno global con vinte e dous millóns de lectores, con «un libro para lectores de 7 a 120 anos» para emocionarse e compartir.

«Unha voz napoleónica, que non escribe, boxea».
El Cultural

Gañador do Premio Goncourt des Lycéens, Gran Premio de Novela da Academia Francesa, Premio Lire, Premio Qué Leer, Premio San Clemente e Premio Internacional Alicante Noir.

É véspera de Nadal e a visita da clase de Joséphine ao zoo foi unha catástrofe. Ninguén sabe que pasou exactamente e os pais da nena están dispostos a descubrilo. Mentres a investigación avanza, comprendemos pouco a pouco que unha catástrofe nunca chega soa, que as aparencias enganan e que os acontecementos poden tomar un xiro que ninguén imaxina.

A moi catastrófica visita ao zoo manténnos en vilo ata o final; é unha novela divertida e emocionante, chea de guiños sobre a nosa sociedade, sobre a democracia, a educación inclusiva, o papel dos pais e dos mestres.

«Das cousas que me contan os lectores, o que máis me emociona son as lecturas compartidas en familia, entre amigos ou nos clubes de lectura. Por iso intentei escribir un libro que puidesen ler e compartir todos os lectores, sexan como sexan e estean onde estean, de 7 a 120 anos. Cos vosos fillos, a vosa parella, os vosos pais, os vosos veciños ou os vosos compañeiros de traballo. Un libro co que vos entren ganas de ler e de que lean outros, sen distincións. E que nos permita reencontrarnos».
Joël Dicker

A crítica dixo:
«Unha celebración da lectura compartida e de recuperar o neno que fomos. Porque ler non só é imaxinar mundos novos, tamén é volver a atoparnos. E non hai mellor lugar para facelo que dentro das páxinas dunha boa historia».
Paula Tadeo Benítez Miguel, RTVE

«Unha voz napoleónica, que non escribe, boxea».
Laura Fernández, El Cultural

«Novelas que se len ao ritmo de 100 páxinas por sentada. [...] Pero algo móvese e volveuse máis complexo no mapa do autor suízo con cada libro que pasa».
Luis Alemany, El Mundo

«Dicker segue escribindo novelas desas que che fan parar o tempo. [...] Nese aspecto Dicker é un especialista e dame envexa, moita envexa».
Andrés Rodríguez, Forbes

«Dicker ergueuse ata a conquista do trono literario internacional. A súa prosa fresca e lúbrica conquistou millóns de lectores de thrillers».
Galo Abrain, The Objective

«Dicker converteuse nun mestre dos saltos no tempo, os xiros de guion, os finais sorprendentes e, en xeral, as novelas que te atrapan desde a primeira páxina».
Jorge Coscarón, Esquire

«O novo rei da novela negra. [...] Dicker é cirúrxico á hora de descifrar o lado escuro da natureza humana».
Caio Ruvenal, ICON - El País

«Un thriller cun ritmo e un suspense arrepiantes que o reivindica como un auténtico mago do suspense».
Juanjo Villalba, Men's Health

«A arte e a destreza dun contador de historias nato, de alguén que parece ter nacido co don de envolver a quen lle lea coa súa narración».
Lorenzo Silva

«Chega o fenómeno Dicker. O sucesor de Stieg Larsson e E. L. James: entretemento en vena».
Antonio Lozano, La Vanguardia

«Dicker volverá a bater récords e superará a súa marca persoal de máis de 20 millóns de lectores. [...] Un thriller cun ritmo e un suspense arrepiantes».
Begoña Alonso, Elle