Toda a intensidade emocional da autora de Las malas nun libro de poemas que foi un acontecemento en Arxentina.
En Las novias de Sandro Camila Sosa Villada traslada toda a intensidade emocional de Las malas ao terreo da poesía. A través dun eu poético travesti que ama, odia, desexa e é desexado, o libro explora os misterios do amor, o corpo e a memoria cun erotismo sensorial que case ninguén consegue poñer en palabras.
Os poemas mesturan a ledicia e a pena en cada corpo que aparece: amantes que se van, a nai alugada a outra familia, a fatiga do pai que loita contra a pobreza, amigas e amigos mortos, a amada do amante. Entre imaxes de sangue, plantas, lóstregas e tacóns, Sosa Villada ergue unha mitoloxía íntima onde a maxia convive coa violencia, e a fraxilidade convértese en forza.
Celebrado como un acontecemento en Arxentina, Las novias de Sandro confirma a Camila Sosa Villada como unha autora capaz de levar a experiencia travesti, o desexo e o duelo a unha linguaxe poética salvaxe e delicada á vez. Un libro de poemas que deixa pegada en calquera lectora ou lector que se atreva a entrar na súa beleza feroz.
Sobre a autora
Camila Sosa Villada (Córdoba, Arxentina, 1982) estudou Comunicación Social e Teatro na Universidade Nacional de Córdoba. En 2009 estreou o seu primeiro espectáculo, Carnes tolendas, retrato escénico de un travesti. É autora dos poemas La novia de Sandro (2015), dos relatos Soy una tonta por quererte (2022), e das novelas Las malas (2020) e Tesis sobre una domesticación (2024).
