Cidades africanas que non dormen nunca, nenas indianas criadas polos lobos, monstros milenarios refuxiados no pantano baixo os pés dos turistas, unha muller que arde sobre unha montaña rusa en Texas, unha nova relixión fundada arredor do culto a unha mazorca de millo xigante…

Todo iso e moito máis é o que irá descubrindo Grace a través das fantásticas historias que lle conta a súa nai: uns relatos que conseguen capturar o inexplicable, a rara maxia do mundo que habitamos, un mundo ao que só sobrevivirán algunhas poucas cousas.

O debut de Jenny Offill, publicado agora por primeira vez en España, é un estraño canto ao poder da narración nas nosas vidas e unha reflexión, entre o inocente e o brutal, sobre a infancia, a familia e o peso das enfermidades mentais.

En África —díxome a miña nai—, hai unha cidade secreta na que ninguén durme nunca. Cando un viaxeiro se atopa con ela e queda durmido, entérrano vivo antes de que espertese. A xente do lugar pensa que morreu durante a noite.