Unha novela sobre a familia non convencional.
Cam, afroamericano, e TJ, de orixe coreana, reencóntranse tras anos sen verse. Foron inseparables de nenos, e xuntos descubriron a súa homosexualidade. Os pais de TJ, donos dunha panadería, acolleron a Cam como a un máis da familia. Despois a vida separou aos dous amigos, e cada un deles pasou por experiencias dolorosas. Cam perdeu a súa parella, Kai, que aínda se lle aparece como unha presenza fantasmagórica, e TJ perdeu o seu pai nun accidente. Ambos arrastran outros pesares íntimos que o reencontro lles permitirá afrontar… De fondo, a cidade texana de Houston, en pleno cambio pola xentrificación acelerada dalgúns barrios, como o que acolle a panadería da familia de TJ.
Tras o triunfo de Memorial, regresa Bryan Washington coas mesmas virtudes que o impulsaron como escritor: o seu ton intimista, os seus personaxes en busca de amor, amizade e segundas oportunidades e a súa capacidade para explorar as emocións, fraquezas e esperanzas humanas. Nesta segunda novela volve indagar con sutileza, profundidade e pinceladas de humor en temas como a raza, a identidade sexual, o desexo e a familia, ou o que podemos entender como familia nun sentido amplo, protector, acolledor.
