Por fin dispoñemos dun gran clásico marxista crítico sobre sexualidade comprometido coas loitas de emancipación LGBTIQ
As vitorias dos movementos LGBT, especialmente a difusión do matrimonio entre persoas do mesmo sexo, aceleráronse nos últimos anos máis do que a maioría da xente cría posible. Con todo, o nacemento subseguinte dunha especie de «normalidade gay» foi desconcertante para os activistas con enfoques máis radicais. Todo un imaxinario e un mercado gay neoliberal, «homonormativo» e «homonacionalista», que deixa fóra a quen se saen da nova norma, sexan persoas intersexuais, transgénero, queer, non binarias, racializadas e outras.
A historia das vidas e das loitas LGBT non comeza no Stonewall neoyorquino en 1969. Por iso Drucker fai un percorrido histórico e xeográfico (non centrado só no mundo occidental) polos diferentes paradigmas que en cada contexto e en cada fase do desenvolvemento capitalista foron hegemónicos no que respecta ás relacións sexuais e afectivas entre persoas do mesmo sexo e ás disidencias de xénero. Nunha apaixonante confluencia de estudos económicos, sociolóxicos, psicolóxicos e sexolóxicos, e desde unha perspectiva interseccional (feminista, antirracista, de clase e queer), o noso autor aplica conceptos e metodoloxía do mellor marxismo heterodoxo para entender os vellos e novos retos aos que se enfrontan as persoas e movementos que desafían as normas sexuais e de xénero. Non quedan fóra nin a cuestión cultural nin a conflictiva e ás veces confusa relación co ecologismo, para finalmente abordar a proposta final: unha política de inclusión, baseada na teoría marxista e nas achegas científicas, que una ecologismo, animalismo e política de esquerda nun proxecto común.
