A guerra civil rematara cando Margarita Beese Rodríguez foi xulgada e encarcerada en Tenerife por falsear a súa partida de nacemento baixo o nome de Juan Carlos. Os médicos que testificaron a seu favor falaron de «anomalías médicas» que apuntaban, nalgúns casos, á «intersexualidade» de Margarita e, noutros, á súa «homosexualidade», nunha confusión de termos común na época.

De nai tinerfeña e pai alemán, Beese viviu a efervescencia cultural e política do Madrid da década dos vinte, dirixiu unha revista, escribiu textos feministas desde posicións conservadoras e nos anos trinta introduciuse en círculos falanxistas ata converterse nunha colaboradora próxima de Pilar Primo de Rivera.

Foi Margarita unha falanxista queer? Pódense aplicar as etiquetas de xénero de hoxe á posguerra española? Por que viaxou á Alemaña nazi despois de saír da cadea? Por que o seu nome non aparece en ningún documento oficial do seu partido? Pódese reconstruír un enigma máis de oitenta anos despois?

Como xa fixera co seu primeiro e celebrado libro, Lunática —que inspirou unha tempada do pódcast De eso no se habla—, Andrea Momoitio converte un puñado de pistas confusas nunha investigación fascinante, narrada cunha mestura desprexuizada e inconfundible de enerxía, rabia e curiosidade.