«Con fondura e verdade, Marta Jiménez Serrano cóntanos o camiño da infancia á primeira mocidade. Fermosa». Elvira Lindo
Quen é Belaundia Fu? É a mellor amiga de Marta aos sete anos: a amiga invisible que, neses momentos nos que as cousas non saen como ela planeaba e nin sequera a avoa é capaz de consolala, senta con ela e espera ata que lle pase. Belaundia Fu é a voz sensata, ideal e infalible que, cando Marta ten dezaseis anos e a pesar de que prefira non escoitalas, lle di as verdades á cara: por exemplo, que ese rapaz, Charlie, non lle convén. Pero cando Marta xa cumpriu vinte e dous, cando xa se licenciou, cando está empezando a tomar as decisións que van marcar o resto da súa vida, que fai aínda alí Belaundia Fu? Alí segue porque é quen, desde sempre, lle narra a Marta a súa propia historia. Quen é Belaundia Fu?, preguntámonos; e, con todo, a pregunta que verdadeiramente importa é: quen é Marta?
Luminosa e emocionante, Los nombres propios é unha indagación sobre a identidade e a relación que establecemos co mundo que nos rodea. Dominada por unha voz narrativa dunha madurez excepcional, a primeira novela de Marta Jiménez Serrano reflexiona sobre como chegamos a converternos en quen somos, sobre o feito mesmo de medrar e a maneira en que o facemos: aprendendo a nomear aquilo que nos importa.
