Cristina Fallarás leva anos a recibir e compartir testemuños de mulleres vítimas de violencia de xénero (primeiro en Twitter e despois en Instagram). En febreiro de 2024, esta última rede social pechoulle a conta e todo estalou. Naquel intre, Cristina decidiu publicar todos eses testemuños en formato libro como ferramenta de loita contra o maltrato ás mulleres, por temor a perder todo o material acumulado durante tanto tempo. A forma na que o compartía era mediante captura de pantalla, eliminando o nome da vítima, iso era o que elas lle pedían: «Non publiques o meu nome».
Este libro recompila parte deses testemuños como unha forma de salvalos do esquecemento. As voces reunidas nestas páxinas crean unha poderosa arma de resistencia política que demostra que dicir #SeAcabó nos permite romper o silencio, o medo e a vergoña.
A compilación está acompañada, ademais, dun estudo da socióloga Nerea Barjola que afonda no fenómeno do #SeAcabó e os testemuños tras el.
