Samantha Hudson volve ás andadas co seu traballo máis ambicioso ata a data. Desta vez, un dos grandes personaxes da Xeración Z sorpréndenos con 'AOVE', un EP de catro cancións cheas de sons electrizantes, timbres maquineiros e graves dispostos a facer retumbar o chan das pistas de baile, mesturando estilos como o techno ou o hardbass e homenaxeando a contracultura raver da década dos 90.
Así pois, 'AOVE' ofrécenos unha refrescante oda ao desfrute discotequeiro que combina o emblemático estilo irreverente de Samantha coas claves sonoras máis candentes da Xeración Z.
Enaltecendo o desmelene e exaltando a parranda, a Hudson ofrécenos un eloxio á festa e o lecer nocturno máis contemporáneo acompasado pola produción musical de La Diega, artífice de 'Perra', o xa consagrado éxito do álbum 'Liquidación Total'. 'Adicta al Sonido', 'Otra Vez', 'Vodka Redbull' e 'Es lo que hay' son os catro temas que compoñen as siglas do último proxecto da artista, o cal supón o inicio dunha nova era para o ícono e referente número un das novas xeracións. Atrevida, Obscena, Violenta e Explícita, así se pronostica a nosa Madonna á española que se propuxo facernos bailar ata caer desfalececidas con este EP que reborda actualidade e ritmos espasmódicos.
