«Unha soa travesti é suficiente para socavar os alicerces dunha casa, desfacer os nós dun compromiso, romper unha promesa, renunciar a unha vida». A actriz que narra Tesis sobre una domesticación arrastra esa certeza mentres se move entre pactos invisibles, desexos que desbordan e vínculos que xa non saben sosterse.

No centro da novela hai unha familia burguesa que tenta aferrarse a unha vida apacible, pero que vive rodeada de infernos íntimos e culpas soterradas. Erotismo e violencia atravesan as súas relacións, aínda que sempre aparece unha ternura obstinada que se resiste a desaparecer. A domesticación, aquí, ten que ver tanto co corpo e o desexo como coa casa, a parella e o mandato da normalidade.

Salvaxe e conmovedora, Tesis sobre una domesticación confirma a Camila Sosa Villada como unha escritora capaz de estirar o realismo ata o límite e poñer en escena a experiencia travesti no corazón da familia. Cunha prosa intensa e moi visual, a novela amosa como esa procura de pequenos momentos de felicidade nace marcada por unha derrota que estaba escrita desde o principio.

Sobre a autora

Camila Sosa Villada (Córdoba, Arxentina, 1982) estudou Comunicación Social e Teatro na Universidade Nacional de Córdoba. En 2009 estreou o seu primeiro espectáculo, Carnes tolendas, retrato escénico de un travesti. É autora dos poemas La novia de Sandro (2015), dos relatos Soy una tonta por quererte (2022), e das novelas Las malas (2020) e Tesis sobre una domesticación (2024).