O Rocky Horror Picture Show, musical de culto por antonomasia cuxo legado pasa de xeración en xeración, non só revolucionou o cine e o teatro, senón que deixou tamén unha profunda pegada na cultura pop grazas ao seu espírito irreverente e a unha ollada queer adiantada ao seu tempo.
O xornalista e cronista cultural Popy Blasco mergúllase con toneladas de purpurina no fenómeno Rocky Horror, desentrañando as súas múltiples capas con contaxiosa paixón nun ensaio que combina análise cinematográfica, crónica persoal e reflexión histórica. Ao longo do libro, cóntanos o nacemento da obra a partir da imaxinación de Richard O'Brien, como foi o paso dos escenarios á gran pantalla e o proceso polo que, despois do seu inicial fracaso en taquilla, se converteu nun inesperado éxito nas sesións de medianoite, instaurando o concepto de audience participation.
Ademais, o autor examina con detalle a banda sonora, marcada por influencias glam e rock e a desbordante estética camp dun filme cheo de guiños ao cine de ciencia ficción e terror de serie B (e Z). Explora tamén o impacto que tivo a película na contracultura en xeral e na comunidade LGTBIQ+ en particular, que a abrazou como un espazo de rebeldía e expresión da identidade que ten moito de litúrxico. Tamén preséntanos aos seus inesquecibles personaxes —Frank-N-Furter, Brad, Janet, Riff Raff e compañía—, convidándonos a bailar o «Time Warp» por toda a eternidade.
