Sía soña con subirse a un escenario e compartir a súa música co mundo. Pero, atrapada nun ambiente escolar hostil, apenas pode erguer a mirada do chan. Os insultos —“foca”, “balea”, “vaca”— repítense cada día, e entre quen a acosan atópase mesmo o seu propio mozo.
Cando Tania, unha nova compañeira, chega ao instituto, todo comeza a cambiar. Con ela, Sía descubrirá que ten dereito a defender a súa voz, os seus soños e o seu corpo.
Tú y yo contra el mundo é a nova novela xuvenil LGTBIQ+ de David Pallás Gozalo, autor de El Plumas. Unha historia valente sobre acoso escolar, diversidade corporal, descubrimento bisexual e o poder transformador da música e da amizade.
Biografía do autor
David Pallás Gozalo (Zaragoza, 1984), traballa como educador desde hai máis de 13 anos, e intercala o seu labor profesional coas súas outras paixóns: a música (violín e piano), a ilustración, o teatro e a escrita. Leva anos realizando activismo LGTBIQ+ e impartindo charlas sobre acoso escolar e LGTBfobia en centros educativos e a través das redes sociais. Realizou un dossier educativo co que traballar estes temas na aula ou nas familias. Publicou a novela gráfica de temática LGTBIQ+ Los Príncipes Morados, realizou o guión da webserie Despedidas.
