Unha tormenta de neve deixa incomunicadas catro amigas nunha casa rural. Blanca e Concha son parella, Helena e Sofía… non. Pechadas sen luz e sen cobertura, deciden contar historias para matar o tempo: Blondie é unha gata moi especial para a súa dona; nunha zona rural, unha carteira reparte algo máis que cartas; Dorian coñece a Malak; Leonor fuxe do seu pasado; Almu e Mari son só boas amigas… por agora; unha sincronía sucede en Granada; un misterioso crime sacode o bosque e dúas investigadoras intentan aclaralo; a avoa Juana ten un segredo; Cati escribe os amores que quixera para a súa vida… As horas pasan e as catro amigas beben demasiado… Ademais, elas tamén teñen a súa propia historia, así que pronto afloran rencillas latentes e sentimentos soterrados. Esa convivencia forzada suporá un punto de inflexión nas súas vidas. A primeira obra de B. S. Gairald é un conxunto de relatos que tocan temas tan dispares como o son as catro protagonistas que os narran: amores secretos ou desinhibidos, soidade, esperanza, morte, humor, destino… A autora combina mensaxes «serias» e humor, doses de crúa realidade e momentos de certa maxia.