Oral é unha colaboración inesperada entre Björk e Rosalía que une dúas xeracións de pop experimental. A canción nace dunha maqueta que Björk gravou a finais dos noventa e que permaneceu inédita durante décadas, ata que a artista islandesa decidiu rescatalo e reinterpretalo xunto a Rosalía. O resultado é un tema que soa a clásico perdido e, ao mesmo tempo, a declaración contemporánea, onde ambas voces entrelázanse entre inglés e español.
Musicalmente, Oral combina arranxos de cordas tensas, bases electrónicas e un pulso rítmico moi físico, achegado por momentos á música de club. A produción mantén o dramatismo emocional característico de Björk e mestúrao coa sensibilidade vocal e o fraseo aflamencado de Rosalía. Nesta edición en vinilo 12" translúcido efecto perla inclúese tamén un remix de Olof Dreijer (The Knife), que leva o tema cara a un territorio máis minimalista e hipnótico, pensado para a pista de baile.
Máis alá do musical, este sinxelo funciona como un manifesto político e ecolóxico. Björk, Rosalía e as súas discográficas renunciaron a comisións e dereitos para que o 100 % dos beneficios se destinen a AEGIS, a organización fundada por Björk que loita contra a salmonicultura intensiva en Islandia e defende os ecosistemas mariños. Deste xeito, cada copia de Oral non só documenta un encontro creativo singular, senón que se vincula directamente a unha causa medioambiental urxente.
