«Unha biografía épica. Un libro para gozar, ameno e cheo de detalles. Fascinante».
Kirkus Reviews
Baseada en anos de investigación e entrevistas con decenas de amigos, amantes e detractores de Warhol, esta biografía traza o percorrido do artista desde as súas orixes como fillo de inmigrantes de Europa do Leste en Pittsburgh ata o seu papel revolucionario no mundo da arte. Ademais, é un fascinante retrato da sociedade e do mundo nos anos setenta e oitenta e das grandes transformacións ocorridas no comercio e na cultura.
Tras o resplandor da súa famosa Factory, pola que pasaron as figuras máis glamourosas do seu tempo (Susan Sontag, Mick Jagger ou os baróns de Rothschild, entre outros), había un home tímido que viviu gran parte da súa vida coa súa nai e protexeu con celo a súa privacidade. Cheo de ideas novas sobre o traballo e a personalidade do artista, este libro capta á perfección as contradicións e o xenio radical que levaron a Warhol a revolucionar o panorama cultural. ¿Era unha broma ou un auténtico xenio? ¿Era un radical ou un arribista? Como o propio Warhol respondería: si.
A crítica dixo:
«Oxalá puidese coñecer mellor a Warhol. Esta fantástica biografía fainos sentir que así foi. Revela tanto o home como o xenio que se atopa baixo esa peluca prateada».
ELTON JOHN
«Hai tantos momentos warholianos neste magnífico libro que non sabería por onde comezar. Cautivador, ten tanto de historia da arte e filosofía como de biografía».
The Guardian
«Warhol viviu unha das vidas máis grandiosas do século XX e agora conta cunha biografía á altura desa vida. Non lle sobra nin unha páxina».
Los Angeles Times
«Absorbente».
The Wall Street Journal
«Impresionante, arrebatador».
Washington Post
«Fantástica e minuciosa. O autor indaga na vida dun dos maiores mitos dos nosos tempos, con peluca prateada incluída».
The Evening Standard
«Unha épica biografía do rei do pop art. Un libro para gozar, que achega todo luxo de detalles cunha escrita áxil. Fascinante».
Kirkus Reviews
«A biografía máis completa e lúcida de Warhol. O autor navega a través da ampla documentación sen empantanarse, e defende a Warhol como un xenio feito a si mesmo».
Apollo Magazine
«Unha excelente ollada á vida, a personalidade e o xenio de Andy».
Diane Von Furstenberg
