Benedetta é unha monxa que vive na Italia do Barroco. A Inquisición condenouna a reclusión perpetua na súa cela do convento
por «deitarse con outra irmá». Con todo, desenvolveu un estraño don: o de bilocarse. Pode estar en dous lugares ao mesmo
tempo, atravesando o espazo e o tempo.
Ese poder lévaa ata o piso de Inés, unha estudante de teatro no ano 2023. Xuntas emprenderán unha viaxe insólita cara o futuro
que rematará na prisión de Saratovia, onde son encarceradas as persoas que se rebelan contra a ditadura xenetista que goberna
o país. Alí coñecerán a Aivory e descubrirán o sentido de todos os desastres e malentendidos que a bilocación provocou.
Benditas bilocadas é unha obra de teatro escrita en ton de comedia, na que a autora aborda algúns dos seus temas predilectos:
os planetas futuros, as monxas lesbianas, o encontro entre culturas e a posibilidade do amor a través das épocas.
