A mala costume, primeira novela de Alana S. Portero, é un relato cru, poético e conmovedor sobre a infancia e adolescencia dunha nena atrapada nun corpo que non recoñece. Ambientada nun barrio obreiro de Madrid nos anos oitenta, marcado pola heroína, e nas noites clandestinas dos noventa, a protagonista enfrontase á violencia, o rexeitamento e a procura de identidade.
A novela combina a dureza da supervivencia coa forza da cultura, as divas pop e a solidariedade feminina, amosando como a rabia contra un sistema que exclúe pode converterse en motor vital. Considerada un fenómeno literario internacional antes da súa publicación, esta obra marca un fito na narrativa contemporánea queer.
Podes escoitar a banda sonora da novela en: https://open.spotify.com/playlist/0gQEfjdfg1iInLPl5JPoho?si=rirNC6yaRsautEDcBe27GA
Unha novela que é moito máis que un fenómeno literario.
Unha voz que queda a vivir en quen a le. «Recomendo ler A mala costume para facerse unha idea de canto sufrimento, canto dor, canto risco hai no feito de nacer nun corpo equivocado.» Pedro Almodóvar
«Este libro fíxome rir, chorar e berrar. Enganchoume desde a primeira páxina.» Dua Lipa
«Se entendemos que a literatura posúe a calidade de adentrarnos na alma humana, este libro permíteche entender que nada é doado, nin frívolo nin caprichoso.» Elvira Lindo
«A mala costume ensínanos a volver a miralo todo outra vez e a entendelo mellor.» Bob Pop
«Un dos libros que máis me conmoveron e emocionaron dos últimos tempos [?]. Unha historia durísima maxistralmente escrita.» Zahara
«Un libro fermosísimo, cruel e redentor sobre o camiño que percorremos ata converternos en quen somos.» Elena Medel
«Unha escritora en maiúsculas, crúa e brillante. Un debut arrebatador cheo de bos agoiros. Unha ferida sen nome que por fin poderá cicatrizar.»María Sánchez
Sobre a autora:
Alana S. Portero (Madrid, 1978) é medievalista, escritora, dramaturga e directora escénica. Fundou a compañía de teatro STRIGA e escribe sobre cultura, feminismo e realidade LGTBIQ+ —con especial atención á experiencia das mulleres trans— en medios como eldiario.es, SModa, Vogue ou Público. A mala costume é a súa primeira novela e situouna como unha das voces literarias máis potentes da narrativa española contemporánea.
