Místicas. Bruixas, deusas e ocultistas nos arquetipos do tarot reivindica a participación das mulleres na historia do ocultismo a través de vinte e dous retratos que dialogan cos arcanos. Artistas, poetas, médiums, deusas e guerreiras que experimentaron o contacto co sobrenatural e cuxas vidas iluminan unha tradición tantas veces contada sen elas.

O libro traza correspondencias precisas entre biografías e símbolos: Sylvia Plath (A Lúa) confronta o vínculo coa súa nai; Safo (O Enamorado) lembra que o amor é —tamén— amargo; Dion Fortune (A Templanza) marcha á guerra cun batallón de meditadores; Marie Anne Lenormand (O Carro) pasa de nena orfa a adiviña da elite francesa. As súas traxectorias confirman unha idea central: as mulleres podemos ser escuras; fomos escuras.

Que inclúe

• 22 arcanos maiores que seguen a numeroloxía do tarot de Marsella.
• 56 arcanos menores inspirados nas ilustracións do Rider–Waite–Smith.
• 16 cartas da corte con outros personaxes enigmáticos ao longo da historia.

Autora: Mara Parra

Ilustrado por: Josefina Schargorodsky

Prólogo: Tamara Grosso