PRIMEIRA FESTA, PRIMEIRO AMOR, PRIMEIRO SECRETO
A cidade é o segundo volume da Trilogía de Tue, o fenómeno literario co que Thomas Korsgaard renovou a narrativa danesa contemporánea.
Tras unha indemnización por accidente laboral, a nai de Tue consegue saldar as débedas da granxa e renovar superficialmente a vida familiar. Con todo, baixo o verniz recente persisten as mesmas fendas: un pai violento e imprevisible, unha nai namorada doutro home e un segredo que Tue, con só dezaseis anos, debe gardar mentres tenta comprender quen é e que desexa.
Dividido entre o silencio opresivo da granxa e a promesa de liberdade que atopa na cidade, onde vive a súa amiga Iben, Tue comeza a ampliar os límites do seu mundo. Alí descobre a amizade, as primeiras festas, a música que atravesa o corpo e a posibilidade dun futuro distinto. Tamén aprende que ninguén pode nomear por el o que sente: a súa identidade pertenceulle.
Cunha escrita que combina delicadeza, humor e unha honestidade desarmante, A cidade captura ese intre decisivo no que a vida comeza a abrirse paso. Korsgaard confirma aquí o seu talento para retratar o tránsito á idade adulta e consolídase como a voz dunha xeración que se rebela contra o silencio herdado. Unha novela luminosa e intensa sobre o espertar, o desexo e a necesidade de escoller o propio camiño.
